جريدة صوت الشارع سياسة -إقتصاد – اخبار – منوعات
شيماء ممدوح تكتب:-
لما ربك يسألك
ساير لنهجي؟
ماسك فمنهجك؟
هتقوله اي
كنت لسة خلاص هتوب
كنت همسح على الذنوب
مش هسيب تاني فروض
مش هفضّل شيء عليه
هو اي
قرآني هو اي
ارد اقول
كتاب كريم
وصفه الكريم أنه شفيع
يوم حسابك يوم عظيم
هيشفع ليك
هيكونلك.. صديق
قادر يحقق خطاك
قادر يدلك على السكات
سكون كلام رحمة وعلام
هتقوله اي
هحفظ صلاتي
خلاص هفوق
هقيم ليلي بالركوع
هسعى الطريق
ملك الموت لما يجيلك
أمره التواب
إنه يجيبك
مش هيسألك
ناوي تمشي
او تبات تاني معاهم
ناوي تيجي
او بقيت حابب لقآهم
مش ايسألك
اديت صدقة
ساعدت فقير
زرت صاحبك او قريب
مش غريب
لما ربك يسألك
عملت اي في دنيتك
غير معاصي غير ذنوب
غير خُطى وقت السكون
هتقوله اي؟
م انت الضحية
هتفيد في أي قوتك
وانت قصاد ربك ضعيف
مش عارف ترد ع السؤال
كونه طفيف
ف السؤال
مين ربك
اي دينك
مين نبيك
وحبيبك
هتقوله اي
هترد ازاي
وأنت لسانك
حاكمه الحبال
وقلبك حجر
منزوع منه الايمان
كرونا ممشيتش لسة
كورونا بتقتل جروب
كورونا قاعدة
كورونا مازال علاجها الهروب
ماشي حروب
بلاد تحارب
بلاد تناجي
جيوش تموت
فين حياتك وسط دول
مش ناوي تفوق
جايز يكون الدور عليك
جايز في يوم
وجودك وسط أهلك
ده يزول
عايز تلوم
متلومش الا نفسك
اللي جرت عملك من الخير للشرور
مش نفسك تكون م العابرين
للصراط المستقيم
اطمنك؟
ربك غفور
ارجع وتوب
وبلاش تقول
ذنبي عظيم
ظنك ف ربك
أنه خير
وأنه هيمحيلك
ذنوب
ارجع وتوب
