جريدة صوت الشارع سياسة -إقتصاد – اخبار – منوعات
يامصر الله عليكى …غنائية من مؤلفات الاديب الشاعر سمير احمد القط
=====
يامصر الله عليكى
على ناسك الطيبين
وجمال حضن السنين
واللهفة والحنين
فى الليل او فى النهار
يامصر الله عليكى
ف قلوب تضحك تملي
وناس تذكر تصلى
وايدين تبنى تعلى
تسعى لجل العمار
يامصر الله عليكى
الله على طفلة حلوه
وتغريده ويه غنوة
ولمة فطار وغدوه
وقصيدة تنعش فى ندوه
وناى يعزف وطار
يامصر الله عليكى
الله على مادنه وجامع
وذكر يشجى المسامع
وقرآن م القلب نابع
ونقوشك على كل دار
يامصر الله عليكى
الله على صحبة حلوه
واشواق الحانها غنوه
وضحكه صافيه وخلوه
ومقام نوره مزار
يامصر الله عليكى
الله على السواعد
وايدين دايما تساعد
وحنان يشفى يواعد
غريب او حتى جار
يامصر الله عليكى
الله على شجرة و ضله
وموجه فى البحر هله
وشمس ع الشط طله
فى غروب أو ع الفطار
يامصر الله عليكى
الله على ضحكه وطيبه
وادين تشقى عجيبه
تبنى ماتقول ده عيبه
عاشقاكى لجل العمار
الله عليكى يامصر
يامصر الله عليكى
