أخبار عاجلة

وبفتكرك …من مؤلفات الاديب الشاعر سمير احمد القط

بفتكرك …من مؤلفات الشاعر سمير احمد القط
=====
وبفتكرك
اشوف الشمس فى نهارى
وضوء الفجر على دارى
نسايم حب تدفينى
وبفتكرك
ادوب فيكى بأفكاري
واروى كل اسرارى
مااخاف انك تخونينى
وبفتكرك
احب كل اقداري
واجدل م الحلم انهاري
اهيم بالشوق تلاقيني
وبفتكرك
عروسة مولد وحصان
وصوت عصفور وكروان
يغنى لحن شرايينى
وبفتكرك
تهون القسوة علشانك
وابدل زمني بزمانك
يانبض حنان بيحميني
وبفتكرك
ف شجرة توت وصفصافة
وضلة ونسمة هفهافه
على برك ترسيني
وبفتكرك
مداين صوتها بيأذن
وصوت اجراس بتدندن
صلاة بالحب تزكيني
وبفتكرك
اغيب بالوعى والتوهه
نسايم حب مطروحه
تدفينى تعدينى

عن سمير القط

شاهد أيضاً

من الحُسَّاب..من كلمات الشاعر سمير احمد القط

بتخطفنى حروف اسمك من الاصحاب  وكلمة شوق تفوت م الباب  وورده بحسنها تضحك اشوف نفسى …

اترك تعليقاً

لن يتم نشر عنوان بريدك الإلكتروني.

%d مدونون معجبون بهذه: