أخبار عاجلة

الأهلي علي مدار موسم كامل الي أين؟

محمد حمدان يكتب :-

الحمد لله معندناش نظرية المؤامرة ولا هنقول كلام عشان نثبت بيه صحة وجهة نظرنا لكن الواقع بيقول أن ف أمور حدثت على مدار الموسم ده كانت عواقبها ولازم تكون النهاية غير ايجابية طالما البدايات كانت مليئة بالسلبيات.
أسلوب تكتيك…
الأهلى بدأ الموسم بدايه ولا اروع وغير طريقه اللعب ولعب 343 الطريقه الجديدة على الكرة المصرية فى المواسم الأخيرة واللى كان بيلعبها الأهلى ايام مانويل جوزيه وايام حسن شحاته …..

والحقيقة الطريقه ده اتت بثمارها لأنها حررت أهم مفتاح لعب عندك وهو على معلول واعطت حرية حركة الجناحين يضموا للداخل عشان كده بانت خطورة الشحات وعبدالقادر وتاو فى أول 7 مباريات فى الموسم حتى فى كأس العالم للأندية ….

بعدها قرر العبقرى يغيرها ل 4231 و 433 وهنا غابت الجبهة الشغاله واصبح الأهلى بلا اجنحه خصوصا فى ظل ثلاثى وسط بيلعبوا فلات فأصبح عندنا كثافه عددية فى وسط الملعب ولكن دون فائدة …

وتغيير الطريقه كتير بيعمل تذبذب فى المستوى وده اللى شفناه فى أداء الأهلى فى الدورى وفى بطوله افريقيا يعنى ممكن تلاقى الأهلى بشكل فى أفريقيا وفى الدورى بشكل تانى خالص .

معنويا ونفسيا وعلى مستوى الكره.

موسيمانى أخطأ فى تعامله مع كهربا إللى أشاد بمستواه كل شخص موجود فى النادى بداية من الخطيب مرورا بمدير الكرة والمدرب العام وبرحيل كهربا أصبح الأهلى بلا اجنحه ومفيش غير جناح واحد اللى شغال ( احمد عبدالقادر ) واللى لما بيغيب بيكون الأهلى مكسور الجناح .

محمد محمود جاهز فنيا وطبيا وبدنيا وتم تهميشه بلا سبب مقنع لمجرد أن الأهلى يمتلك 3 لاعبين فى وسط الملعب ولم يعى موسيمانى أن كرة القدم غدارة وفى ثانية ممكن تلاقى الثلاثه إما مصابين أو مجهدين أو خارج نطاق الخدمه بسبب ضغط المباريات.

محمود متولى اللى جاهز طبيا وبدنيا وكان لازم ياخد مباريات حتى ولو اجزاء بسيطه عشان لما تحتاجه تلاقيه تم تهميشه حتى لما اتصاب منعم وياسر دخلت هانى مساك .

زياد طارق اللى الكل اجمع على موهبته وكنت لازم كمدير فنى تبنى على ما قدمه من أداء فى كأس الرابطه وياخد مباريات بدل صفقه الأسلحة الفاسده اللى بليتنا بيها ميكى ماوس .

حسام حسن إللى قمت بتدميره نفسيا قبل فنيا وبدل ما كان الأهلى متعاقد مع أحد هدافين الدورى أصبح لاعب فاقد الثقه فى نفسه وإمكانياته.

كريم فؤاد إللى الأهلى اشتراه متوسم فيه جوكر جديد لما يمتلكه من إمكانيات تتيح له اللعب فى اكتر من مركز وفى عز ما على معلول مجهد مكنتش بتشاركه وحطه بديل لمحمد بيه هانى .ولد مامه.

طلبت التعاقد مع بواليا بالاتفاق مع الادارة ولجنة التخطيط واخطات فى إشراكه من الدار للنار ففقدته وطلبت يخرج اعارة وطلبت الاستغناء عن اليوبادجى بدون أخد فرص مشاركه حقيقية وهو الآن مكسر الدنيا .

اخيرا فائدة الاسكواد هى التغلب على أى حاله من حالات الإجهاد واستراتيجية التدوير كان يجب أن تتم بشكل تدريجى حتى يستفيد الفريق من كل اللاعبين المقيدين وميبقاش كل الضغط على 15 أو 16 لاعب وباقى اللاعبين كالموظفين .

اذا كان موسيمانى مكمل معانا فعلى الإدارة التحدث معه فى تغيير استراتيجيته مع اللاعبين وياريت يتخلى عن فكرة الحب والكره ولازم نشوف لعيبه جديده بدوافع جيده لعيبه جعانه كورة محتاجه تثبت نفسها .

وإذا كان سيرحل فشكرا له على ما قدمه مع النادى الأهلى من بطولات ويجب البحث عن مدرب مشروع يكون نفس فكرة فايلر مدرب يكون عنده شخصية وفكر ويكون له هوية داخل الملعب وعايز يبنى نفسه ويعمل لنفسه cv بس يستفسروا عن حالته الاجتماعية الأول .

عن khalaf a

شاهد أيضاً

المخرج ابراهيم الحفناوي احد نجوم السوشيال ميديا

صوت الشارع إن مواقع التواصل الاجتماعي صنعت نجوما في كل المجالات واتاحت الفرص للكثير من …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: