أخبار عاجلة

نصيحة

بقلم / شيماء ربيع

الناس أحوال وعلي رأي المثل هم يضحك وهم يبكي ،والناس باصة لبعض ما تسيب الناس فى حالها وخليك فى حالك كل واحد فيه اللى مكفيه فبلاش تعمل نفسك فاهم أوى وأنت ولا فاهم حاجة دع الملك للمالك وعيش وخلى غيرك يعيش دى دنيا مزيفة اللى أحنا عايشنها وعملين نحارب فيها وطالع عين اللى خلفونا ولو فكرنا ولو مجرد لحظة هنلاقى أنى الدنيا الحقيقية دنيا الفناء ( الاخرة) عملت حسابك ليها طبعا لا لأنى لو عملت حسابك هتسيب الناس فى حالها وهتخليك فى حالك لكن كله بيراهن مين هينتقم من مين الاول مين هيأخد حقه قبل التانى مين هيكسب فى الأخر أنا ولا أنت ونسيتوا أن فى ربنا هو اللى بيحاسب العباد هو المنتقم الجبار هو الحكم العدل أرضى بحكم الله ونصيبه كفاية أذية فى غيرك وكفاياكى أذية فى مخاليق ربنا كفاياكو تنمر على خلق الله خلوا فى قلبكوا شوية رحمة وأنسانية بغيركو يا بشر فوقوا قبل ما يفوت الاوان كفاية تتسابق أنت وهى فى الشر كفاياكو أذية يا بشر

أفتكروا رب العباد أفتكروا الحساب والعقاب أفتكروا أن فى جنة ونار فين كتاب الله ( المصحف الشريف) نستوه ما حدش قبل ما يفكر يأذى ويتكلم على البشر ما ممسكش كتاب ربنا جل جلاله لا إله إلا الله على البشر اللى غيبوا عقولهم ومشيوا ورا الشيطان وسابوا كتاب الله وسنة نبيهم نسيت ونسيتى أن الدنيا دى دوارة هتلف وتدور وهيحصلك اللى عملته فى غيرك أو يحصلك اللى عملتيه فى غيرك مهو كأس وداير رحلة الدنيا دى يوم ليك ويوم عليك زى ما تحب تتعامل عامل زى ما تحب تتقدر قدر زى ما تحب تعيش سيب غيرك يعيش زى ما عايز تستمتع بحياتك سيب غيرك هو كمان يستمتع بحياته أعرف أنك أو أنتى لما هتجى على حد هتلف الأيام وهتدور والحد ده حقه هيجيله وبزيادة كمان ربك رب قلوب مهو شاهد ومطلع على النوايا والقلوب يا أبن أدم سيب الناس فى حالها علشان هما كمان يسيبوك فى حالك افتكر يوم الرجوع ويوم الحساب لرب العباد أنت وأنتى مش مخلدين فيها أحنا جايين الدنيا ضيوف رحلة قصيرة الرحلة دى بدايتها :-طفل وطفلة ما يعرفوش حاجة بيكبروا ويعيشوا لا على الخير لا على الشر بس الأكيد أننا كلنا بنتولد على الفطرة والأيام هى اللى بتخلينا نكتسب منها كل حاجة طيب ما نكتسب منها الحلو ونرمى الوحش نعيش راضيين وحاسيين بغيرنا علشان غيرنا يحس بينا الله يكرمكوا رجعوا نفسكوا الأول قبل ما بتحاسبوا غيركو لحسان بيبقى فيكوا القرف كله وفاكرين نفسكوا ملايكة فوقوا يا بشر دا الفيس بقى عبارة عن صفحة وفيات هل بنتعظ بالعكس دا الناس عمالة تعك أكتر واكتر تتنمر اكتر واكتر تأذى فى غيرها أكتر وأكتر  الشر بيزيد والأذية مش بيقل لا اله الا الله على ناس تعمل الغلط كله وتحاسب غيرها لمجرد غلطة بسيطة لأن هما نفسهم زى ما غلطوا يوقعوا غيرهم فى الغلط طيب ما تفكر وفكرى هو الحد اللى أنت او انتى عايز توقعه فى الغلط كان يعرفك أصلا أو أذاك بشئ علشان تأذيه أتقى الله يا جبار ويا جبارة السمة دى ( الجبار) فقط لرب العباد مش ليك ولا ليكى

عن khalaf a

شاهد أيضاً

سد ناصر… السد العالي

كتب :جمال زرد الزعيم الراحل جمال عبد الناصر ناصر الذي ستحتفل مصر ودول العالم الثالث …

اترك تعليقاً