فرشوط أمنا وانتم اخوة

عمرو محمود الهواري يكتب:-

فرشوط امكم وانتو اخوات
بنادي علي فرشوط
مردتشي عليه
طبطبت عليها
وصبرت شويه
لقيت فى عنيها
دمعه رايحه
ودمعه جيه
بصيت عليها
وقلتلها اهدي شويه
قالتلي اهدي ازاي
وولادي بيضربو فى بعض حوليه
والدم بقي عندهم أرخص من الميه
قالتلي بعد شويه
طول عمرىو انا أم التجار
وقلبي مش حمل انفجار
ووداني سامعه ضرب نار
ايه اللى غير النفوس
انا فى حلم ولا ف كابوس
انا امكم وقلبي حاسس
ومن همكم جسمي خاسس
شيلو عن كتافي الشيله
واوعو عيله تزعل من عيله
انتو كلكم عندي واحد
وانا معنديش واد حيله
يرضيكم انام مهمومه
وشايفه البندقية جنب الشومه
وكمان من لمتكم محرومة
اناامكم واسمي معروف من زمان
وتاريخى مش محتاج إعلان
وكل الدنيا تعرف أني ام الجدعان
والجدعنه موجود ه عندي فى كل مكان
انتو طول عمركم أخوات
والفرحه والواجب بتلم كل العائلات
وطول عمركم راجل واحد
ومع بعض فى كل المجالات
ارحموني وفرحوني
وبلاش تشيلوني الهم
وتغرقولي هدومي دم
انا عايزه هدومي تبقي نضيفه
حمول الدم مش خفيفه
وانا كبير فى السن وضعيفة
وبدل ماتسندوني توقعوني
وكل شويه عليكم تزعلوني
وياريت ياولا دي تسمعوني
انا امكم وانتو اخوات
وبلاش مشاكل وخناقات