أخبار عاجلة

ازاى تقدم على وحده سكنيه فى المبادره الرئاسيه للتمويل العقاري بفايده ٣%:-

كتب:  احمد عصام

 

١-سيتم طرح كراسات الشروط فى جميع مكاتب البريد وسعر كراسه الشروط يترواح ما بين ١٠٠ الى ١٥٠ جنيه حسب فئة العميل سواء محدود الدخل او متوسط الدخل ويجب الاحتفاظ بايصال شراء الكراسه وايصال المصاريف الادراية والاستعلام بشرط أن يقوم الحاجز بشراء الكراسه برقمه القومى .

 

٢-يتم استيفاء استمارة الحجز الموجودة فى اخر صفحات كراسة الشروط من كافه البيانات المطلوبة

 

٣-يتم تجهيز صور بطاقات الرقم القومى للزوجين او الاعزب سارية وشهادات دخل من محاسب قانونى معتمد محدد بها المهنة وصافى الدخل الشهرى للحاجز على الا يقل الدخل الشهرى لمحدودى الدخل عن ١٥٠٠ جنيه ولايزيد عن ٤٥٠٠ جنيه للاعزب و ٦٠٠٠ للاسرة ويتم تجهيز مفردات المرتب للعاملين بالقطاع العام والخاص على أن تكون شهادات الدخل موجهه لصندوق الإسكان الاجتماعي ودعم التمويل العقاري بشرط أن تكون شهادات الدخل ومفردات المرتب مؤرخه ومختومة يتم تجهيز اى أوراق اخرى لاى دخل اضافى كمكافأه الامتحانات للمعلمين او بيان الأرباح للقطاع الخاص

 

٤-يتم ارفاق شهادات الميلاد للأبناء تحت 16 سنه او صور بطاقة الرقم القومى للأبناء فوق ١٦ سنه مع ارفاق قسيمه الزواج أو الطلاق او شهادات الوفاه مميكنة مع ارفاق ايصال مرافق حديث لم يمر عليه ٣ شهور بدءا من وقت التقديم مع تجهيز قيد عائلى مميكن للمتزوجين فقط وغير مطلوب من الاعزب او المطلقات من السيدات ولكن يطلب من الرجال ان كانت الحاله مطلق .

 

٥-يتم تجهيز ايصال شراء الكراسة وايصال الاستعلام والمصاريف الادارية

 

٦-يتم تجهيز برنت بالمعاش لاصحاب المعاشات كمستند اثبات الدخل

 

٧-يتم تجهيز بيان النفقه للمطلقات او افاده بعدم تقاضى النفقه ان كانت لا تتفاضى نفقات “الاوراق دي كلنا تقريبا عارفينها”

 

الخطوه الأهم :-

 

 يتم تجهيز جواب من مالك العقار موضح به الاوراق اللازمه للعقار المراد شرائة ومحدد به السعر المطلوب للوحدة السكنية ويتم تجهيز جميع الاوراق السابق ذكرها وتصويرها او سحبها اسكانر وتحويلها بصيغه pdf فى ملف لايزيد مساحته عن 2 ميجا ويتم الدخول إلى موقع صندوق التمويل العقارى  https://cservices.shmff.gov.eg/

كل اللى هتعمله هتدخل على اللينك تضغط على مركز خدمه المواطنين هيحولك لصفحه تانيه  تضغط على كلمه التسجيل هيحولك لصفحه تانيه تكتب رقمك القومى باللغه الانجليزيه وتكتب رقم تليفونك وبعدين تختار رقم سرى مكون من 6 ارقام وتحفظه وبعدين تعيد كتابه الرقم السرى تانى وبعدين تضغط تسجيل والموقع هيبعتلك كود تفعيل على تليفونك تحطه فى المكان المخصص له ويبقا كده انت سجلت بياناتك لو مجلكش كود تفعيل يبقا خلاص ادخل برقمك القومى  ورقمك السرى الجديد واخرج تانى متعملش حاجه اما لو كتبت رقمك القومى وعملت كل حاجه وجيت تضغط تسجيل قالك ان الرقم القومى مسجل من قبل يبقى انت كده تمام وسجلت على الموقع الجديد وملفك متفعل عالسيستم ومش محتاج تسجيل جديد.

وباقي خطوات رفع الملف pdf علي الموقع هتكون متاحة بالتفصيل في كراسة الشروط .

عن بسمة

شاهد أيضاً

النائب أبو نحول .. وصول جهاز الأشعة المقطعية لمستشفي فرشوط المركزي

خلف الله الانصاري يكتب : نقلا عن الصفحة الرسمية للنائب خالد عبد الوهاب أبو نحول …

اترك تعليقاً