أخبار عاجلة

نعقيب بعض أبناء وقامات الصعيد علي تجاوزات تامر امين

صلاح رسلان – يكتب

مواقع التواصل الاجتماعي نالت من الاعلامي تامر امين عد نسي نفسه وتعدي حدوده وسب وستم واتهم ابناء وبنات الصعيد علي الهواء جاءت الردود والافعال والغضب الشديد من كلة مكان بوقف هذا المهرج وننقل لحضرتكم من صفحة احد رجال الصعيد الاستاذ صلاح رسال فقال عبر صفحته علي الفيس بوك

الأستاذ تامر أمين بسيونى أنا مش هنزلك أنت تطلع لى فوق

أنت كل فترة كده تفتكس حاجه عشان الناس متنساكش مره قضية تحرش من عارضة أزياء ومرة بقضية سب وقذف وأخيرا بقلة أدبك فى الصعايدة والفلاحين أسيادك وتاج راسك وكلامك أنهم بيخلفوا بنات كتيره ويشغلوهم خدامين فى البيوت ويشغلوا ولادهم بلية فى الورش طبعا أنا مش هرد عليه وأقوله تعالى يا اللى أمك كذا وتعالى ياللى أختك وياللى بنتك كذا عشان انا بقول مش هنزل هو اللى يطلع

اللى أنا متأكد منه تماما أنك تقصد محافظتين أو تلاته من محافظات الصعيد ومحافظات الدلتا رغم أنك أصلا أصلا من قويسنا محافظة المنوفية وتقصد المحافظات القريبة من العاصمة فيها ناس ظروفها زفت وبعض المراكز والقرى تعانى من الفقر الشديد وبيضطر بعضهم يشتغل بواب أو غفير فى القاهرة أو الجيزة وتقوم زوجته بتنظيف مدخل العمارة والتعامل مع الوحدات التى تحتاج للنظافة بدلا من التعامل مع خادمة من الخارج وربما تضيق على المرأة الظروف الإقتصادية ومعاها أطفال أو أب وأم مرضى فتلجأ إلى هذا العمل خادمة فى البيوت بعض الوقت ودى مهنه شريفة تموت الحرة ولا تأكل بثدييها ( عاملة نظافة ) ربما يكون دبوس طرحتها أثقل وأشرف من رقاب الكثير من أمثالك الذين يضلون الناس بغير علم

أما وأنك عممت ولم تخصص وشملت كل محافظات ومدن وعائلات وقرى الصعيد والدلتا فأنا هرد على اللى يخصنى فى الحوار ده وهو الصعيد

فأحب أسألك تقصد مين فى الصعيد اللى بيجيبوا بناتهم تشتغل خدامات وولادهم يشتغلوا بليه ؟ تقصد قبائل وقرى وعائلات الأشراف ولا الأنصار ولا الجعافرة ولا العرب ولا الهوارة ولا بنى سليم ولا بنى مر ولابنى محمد ولا ولاد يحى ولا العدوية ولا السوهاجية ولا الأسايطة ولا السمر الأسوانلية منبع القبائل والعائلات والأصول ولا أولاد همام بن يوسف أمير الصعيد ولا أحفاد ملوك العرب وتبابعة اليمن ولا احفاد ينى باشا ولا أحفاد مكرم باشا عبيد ولا بشوات الصعيد وبهواتهم وشيوخهم وأعيانهم وعمدهم ولا مين ولا مين خوفا من الخطأ والنسيان ؟

الأصول دى مش هرى فاضى الأصول دى لها التزامات اجتماعية وكثير مما يباح للعامة من غيرهم من الناس لا يباح لهم لان نملتهم جمل ومش بيسمحوا بأى نقيصة حتى لو كانت مهنة شريفة وهامة يترفعوا ويبتعدوا عنها حتى لو كلفهم ذلك عمل شاق ومرهق كرفع الرمل والطوب والخرسانه ده بالنسبه للرجاله

أما البنات فبص يا تامر البت عند الناس دى حرمة كل حاجة فيها حرمة وممكن تموت العيلة كلها عشان البنت وممكن يتحبس عشان شرفها الكويس والرخيص والزين والشين والغلبان وأبو قفطان والغفير والوزير العرض خط احمر حتى بيسموها إسم صعب لما كان واحد بيحفز على الحفاظ على البنات كان بيقول للتانى ( أوعى تبهدل العار وتسيبهم وتسافر ) هو يقصد العرض وسماها العار عشان اللى بيفرط فيه بيبقى معيره بين الخلق

وفى مقابل ذلك البت عندهم من قبل ما تتنحت ولا تظهر معالمها بتتعامل بحظر وباهتمام والمجتمع العائلى القبلى اللى عايشه فيه مختلف عن مجتمع الكومباوندات والحك اللى أنت عارفه والتحرش اللى أنت عارفه كويس خالص

أنت بتقل بالناس الصعايدة بدون سبب ولا يمكن أنت البعيد تكون جاهل ومغيب عايز تعمل ترند على قفاهم ؟

بس احذر وانتبه أنت بتثير فتنه لأن كلامك ده ممكن يخلى عيل ميكملش 14 سنه صعيدى طايش يطلع الأسطوره ومنصوور الحفنى اللى جواه وعايز يعمل ترند هو كمان ويعملها معاك وانت رايح هنا ولا هنا يعنى اللى أنت بتعمله ده بيثير فتنه وأنت مصمم وقلتها قبل كده ( حرك ساكن تبلى بيه ) ودول أهم حاجه عندهم العرض صعايدة يا رسول الله والبت عندهم فى التار برجلين متشددين عن الشرع فى الحته دى وحتى لو عملت الفاحشة بيتاووها يعنى بيقتلوها حتى لو كانت غير متزوجة وفى دى متشددين عن الشرع برضك يعنى معندهمش جلد ولا الكلام ده موووت طوالى بل بالعكس ده الشك عندهم بيقوم مقام اليقين فى الموضوع الخطير ده يعنى ممكن لو الواحد شك فى بنته انها لا قدر الله فيها حاجه وحشه بيخنقها او يكهربها أو يولع فيها والحريم تصرخ ويقولوا فلانه اتكهربت ولا قامت فيها النار ولا وقعت من فوق جات ع الطرمبه اتفشفشت قضاء وقدر يعنى وفى دى متشددين برضو عن الشرع ولما تعمل حاجه غلط أهلها بيخلصوا عليها الأول وبعدين يدوروا ع اللى عمل كده لكن عند أغلب سكان الكومباوندات مش بيمشوها كده !!!

عشان كده البت عمرها ما تلوث شرف أبوها ولا اخواتها ولا تحط عممهم فى الطين دى تربيتهم مش معقول هيودوها تشتغل خدامه فى البيوت وروسهم فيها المخاخ دى حتى لو كانت مهنه شريفه وبالحلال

وبعدين وظيفة خدامة وبليه مش لازماهم لان الصعايده هم اللى بيشغلوا أكبر عدد من البنات والولاد في القاهرة والجيزة لان الصعايدة اللى هناك أغلبهم بهوات ورجال أعمال ومعلمين ومقاولين وتجار وصناع وفاتحين بيوت كتير فى القاهرة والجيزة واسكندرية وفيه ناس كتير بتاكل عيش من وراهم
وعلى فكره أرقى الكومباوندز اللى فى المدن الجديدة مصمماها ومنفذاها شركات أصحابها صعايدة والعمال والموظفين والموظفات اللى فيها من كل البلا د
كبار رجال الأعمال فى القاهره والجيزة صعايدة !!
الصعايده ياباشا لما بيدخلوا بلد بيدخلوا بخيرهم والناس الصح فوق راسهم والشمال اللى زيك تحت رجليهم
وأحب أختم كلامى بكلام عمرو بن كلثوم كأنه بيتكلم عن أجداد الصعايدة من العرب لما قال :
ملأنا البر حتى ضاق عنا وماء البحر نملأه سفينا
أَلاَ لاَ يَعْلَـمُ الأَقْـوَامُ أَنَّــا تَضَعْضَعْنَـا وَأَنَّـا قَـدْ وَنِيْنَـا
أَلاَ لاَ يَجْهَلَـنَّ أَحَـدٌ عَلَيْنَـا فَنَجْهَـلَ فَوْقَ جَهْلِ الجَاهِلِيْنَـا
وَنَحْنُ الحَاكِمُـوْنَ إِذَا أُطِعْنَـا وَنَحْنُ العَازِمُـوْنَ إِذَا عُصِيْنَـا
وَنَحْنُ التَّارِكُوْنَ لِمَا سَخِطْنَـا وَنَحْنُ الآخِـذُوْنَ لِمَا رَضِيْنَـا
وَقَـدْ عَلِمَ القَبَـائِلُ مِنْ مَعَـدٍّ إِذَا قُبَـبٌ بِأَبطَحِـهَا بُنِيْنَــا
بِأَنَّـا المُطْعِمُـوْنَ إِذَا قَدَرْنَــا وَأَنَّـا المُهْلِكُـوْنَ إِذَا ابْتُلِيْنَــا
وَأَنَّـا المَانِعُـوْنَ لِمَـا أَرَدْنَـا وَأَنَّـا النَّـازِلُوْنَ بِحَيْثُ شِيْنَـا
وَأَنَّـا التَـارِكُوْنَ إِذَا سَخِطْنَـا وَأَنَّـا الآخِـذُوْنَ إِذَا رَضِيْنَـا
وَأَنَّـا العَاصِمُـوْنَ إِذَا أُطِعْنَـا وَأَنَّـا العَازِمُـوْنَ إِذَا عُصِيْنَـا
وَنَشْرَبُ إِنْ وَرَدْنَا المَاءَ صَفْـواً وَيَشْـرَبُ غَيْرُنَا كَدِراً وَطِيْنَـا
إِذَا بَلَـغَ الفِطَـامَ لَنَا صَبِـيٌّ تَخِـرُّ لَهُ الجَبَـابِرُ سَاجِديْنَـ

عموما أنا مفوض الأستاذ مصطفى بكرى من قنا والأستاذ أحمد موسى من سوهاج فى الرد عليك ياكش يكون حداهم دم ويغيروا على العرض

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: