أخبار عاجلة

من الحُسَّاب..من كلمات الشاعر سمير احمد القط

بتخطفنى حروف اسمك من الاصحاب

 وكلمة شوق تفوت م الباب

 وورده بحسنها تضحك

اشوف نفسى مع نفسك

واطلب م النسيم همسك

وانام واصحى على رسمك

ياقلبى والوداد غلاب

 

مانيش عاتب على قلبك

ولا نادم على حبك

ولا خايف اشيل ذنبك

لانى صادق مانيش كداب

 

ياوردة عشقنا الصافى

وحضن حنان مش خافى

تداوينى اعيش شافى

على عهدك من الحُسَّاب

 

يانور عينى وروح الروح

تعبتينى وكلى جروح

تعاندينى وانا مدبوح

بلاش قسوة تزيد ف عذاب

 

ياقلب حنان ماله مثيل

وحضن امان لقلبى يميل

على حبك اقول مواويل

دنا العاشق والوداد غلاب

عن سمير القط

شاهد أيضاً

الست فتحية بخنس

كتب: محمد البربري ولأن كل حاجة من حولينا اتشقلبت العلاقات بقت أون لاين والخلافات سوشيال …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: